Manipur Chief Minister-in Amit Shah hmu
Delhi-a cham mek, Manipur chief minister N Biren Singh chuan Nilaini khan union home minister Amit Shah hmuin, an state chhung politics dinhmunte a sawipui.
Amit Shah a hmuh hmain Singh hian BJP president JP Nadda leh national general secretary BL Santosh-te chu meeting a neihpui bawk. Mahse meeting-a an thu ngaihtuahte erawh puanzar a ni lo. Chief minister hian Delhi-a a cham chhung hian prime minister Narendra Modi pawh hmuin, an state-a Covid-19 kai an pun zel avangin healthcare service tihchangtlunna tur fund pe turin a dil dawn nia sawi a ni.
Covid-19 kai 1,260 awm tawh
Manipur-ah Covid-19 kai hmuh chhuah chu mi 1,260 an tling tawh a, an zinga 579 chu enkawl dam an ni tawh thung. Recover rate hi 45.95% a ni. Nilaini khan hri kai hmuh chhuah thar hi mi 26 an awm a, an vai hian state dang aṭanga haw vek niin, mipa 15 leh hmeichhia 11 an ni. Hemi ni vek hian hri kai dam tawh mi 26 chu enkawlna hmun aṭangin chhuahtir an ni bawk.