Assam Police ten MoS Rajen Gohain lakah Pawngsual thubuai an ziak lut

Assam-a Nagaon district police official chuan Zirtawpni kalta khan Union Minister of State for Railways Rajen Gohain lakah pawngsual thubuai an ziahluh thu a sawi.

Rajen Gohain hi hmeichhia kum 24 mi, pasal nei tawh pawngsuala puh a ni.

Hetihlai hian officer on special duty Sanjiv Goswami chuan Gohain pawh hian hmeichhia leh a chhungte lakah hian blackmail thubuai a ziaklut ve thung niin a sawi.

Nagaon police station officer-in-charge Ananta Das chuan case hi court-ah hnuhkir leh a dil tih a sawi a, mahse case chu a la awm reng thu leh chhuichianna an neih dawn thu a sawi a ni.

Nagaon Deputy Superintendent of Police (headquarter) Sabita Das chuan Gohain lakah hian August 2 daih tawh khan case hi ziahkuh tawh niin a sawi a, Nagaon police station hnen aṭanga complaint an dawn veleh thubuai hi ziahluh nghal a nih thu a sawi.

Das chuan an chhuizui mek thu leh, dan anga hma an lak zel dawn thu a sawi bawk.

Police official te chuan IPC section 417 (cheating), 376 (rape) leh 506 (criminal inti­midation) hnuaiah FIR hi an ziahluh thu a sawi a ni. Gohain laka thubuai ziahluh chungchang hi chhuichian mek a nih thu sawiin, pawngsual tawk tua sawi pawh thu an zawhfiah tawh thu leh medical test neih a duh loh thu a sawi .

Official-te chuan complaint lutah chuan pawikhawihna hi thla sarih thla riat vel kal tawha thleng kha a ni tih sawiin Gohian leh hmeichhia pawh hi hun rei tak an inhriat tawh thu leh Union Minister pawh hian a tlawh fo thu a sawi a ni.

Gohain hian hmeichhia hi a pasal leh a chhhungte dang awm loh laiin a pawngsual nia puh a ni a, mahse Gohian hian media hmaah engmah a la sawi duh lo thung.

Police-te chuan a ṭul a nih phawt chuan Gohain chu an man dawn tih an sawi a, mahse thil awm dan an chhui zawh hnuah chauh thutlukna an siam dawn tih a sawi.