Nagaland eDistrict project atan DigiLocker service tlangzarh

Nagaland eDistrict project atana hman tur DigiLocker service chu Inrinni khan Gu­wahati-ah tlangzarh a ni.

DigiLocker service hi Ravi Shankar Prasad, Union Minister for Electronics and Information Technology, Justice & Law leh Jacob Zhimomi, Nagaland PHED Minister-te chuan an tlangzarh.

‘Digital North East: Vision 2022’ hun Guwahati-a hman­naah tlangzarh a ni a, Jacob Zhimomi chuan Nagaland chu changkanna lam kawng an zawhpui avangin Department of Information Technology & Communication chu a lawmpui thu a sawi.

Union Minister Ravi Shan­kar Prasad chuan Digital North East: Vision 2022 hnuaia ruahmanna an siam dan sawiin, North Eastern Region-a Cloud Hub din a nih dawn thu te, BPO hnuaia seat pawh tihpun a nih dawn thu leh thingtlangah te pawh internet broadband chak tak dah a nih tur thu te a sawi a, hmarchhaka thingtlang zawng zawng tuam thei tur Common Service Center-te pawh din a ni dawn tih a sawi bawk.

He hunah hian hmarchhak tana ṭangkai tur project dang eng emaw zat tlangzarh a ni bawk a ni.