Imphal-ah Journalist ten an thawhpuite chhuah phut

Manipur Journalist-te chu All Manipur Working Journalists Union (AMWJU) kaihhruaina hnuaiah state khawpui Imphal-a Chief Minister bungalow kawtah Inrinni zanah khan ṭhukhawmin an thawhpui police kuta awm mekte chhuah an phut.

Imphal Journalist-te hian Inrinni zan, zanrei tawh takah khan Manipur Press Club aṭangin Chief Minister official bungalow thleng kawng an zawh a, an thawhpui pakhat social media-a a thil post avanga police ten an man chu chhuah an phut a ni.

August 9 khan local cable tele­vi­sion news network, IS TV-a thawk Journalist Kishorchandra Wang­khemcha chu Facebook-a a thu post chuan midangte tan pawi a thlen thei nia puhin police te hian an man a ni.

Hei vang hian All Manipur Wor­king Journalists-te chu Inrinni zan dar 10 velah khan CM hmu tur hian an kal a, an thawhpuipa chhuah tura ngen an tum niin report chuan a tarlang.

Report in a tarlan dan chuan journalist an man lakah hian case ziahluh a n. CM Biren Singh chuan AMWJU-te hnenah hian an ṭhianpa hi chhuah a nih thuai dawn thu a hrilh nia tarlan a ni.