Meghalaya sorkarin April thla hlawh pe chhuak

Meghalaya sorkar chuan hripui leng vanga sum lama indaih lohna a neih avanga sorkar hnathawkte April thla hlawh pek tur a tihkhawtlai sak chu a pe chhuak leh thei ta. State sorkar chuan April thla khan hri leng dona kawnga sorkar hmalaknaah, sum lam indaih a awm palh thilah invenna turin sorkar hnathawkte thla hnih hlawh, April leh May hlawh pek tur chu tihkhawtlai a ni dawn tih a lo sawi tawh a ni. Hlawh pek tur tikhawtlai sak hian cabinet minister, bureaucrat leh sorkar hnathawk 80,000 te a huam. Mahse May 27 khan May thla hlawh chu hren sak an ni dawn lo tih a puang leh a ni.