Nagaland: Modi sorkarin Corps Command dah chhunzawm dawn

Sorkar laipui leh Nagaland a sorkarna chang mek NDPP-BJP chuan kum 21 chhung Naga peace talk kalpui tawh chu a hmawr bawk a nih hma chuan state chhunga uluk taka venhimna kalpui zui zel turin thutlukna an siam.

Hemi chungchanga thu­chhuah siamah Dimapur-a Army Corps Commander pawh chu a pangai angin dah chhunzawm zel a ni dawn tih tarlan a ni a, an hnathawh pawh an chhunzawm zel dawn tih tarlan a ni.

India ramah hian Indian army hian command pasarih an nei a, Kolkata-a Eastern Command hian key corps command pahnih neiin Dimapur (Rangapahar), Naga­land-ah leh Tezpur, Assam-ah te an nei. Major General kaih­hruaina hnuaia awm divisional unit 40 a awm bawk a ni.

State sorkar chuan De­fence ministry chuan Union Home Ministry kaihhruaina hnuaiah corps command-te sawidanglamna turin hma an la niin a sawi a, mahse Nagaland Corps Command erawh sawi danglam a ni dawn lo niin a lang.

Hetihlai hian mi ṭhenkhat chuan Modi sorkar chuan Tezpur corps command chiah dah chhunzawm dawn a nih thu an sawi ve thung.

BJP chuan Congress leader P Chidambaram kaihhruiana hnuaia awm Parliamentary Standing Committee on Home chuan sorkar chu Nagaland buaina chingfel vat tura an ngen thu an sawi a, NSCN-IM leh sorkar laipui inbiakna chu a hmawr bawk vat tura an hriattir thu an sawi a ni.