Khasi Lineage Bill: KHADC in bill thawhlet turin sorkar ngen dawn

Meghalaya-a Khasi Hills Autonomous District Council (KHADC) Exe­cutive Committee Thawh­lehnia neih chuan KHAD (Khasi Social Custom of Lineage) (First and Second Amendment) Bills chu sorkar hnenah anmahni thawn let leh tura ngen turin thutlukna an siam.

KHAD (Khasi Social Custom of Lineage) (First Amendment Bill) hi 2015 khan pawm a ni a, KHAD (Khasi Social Custom of Lineage) (Second Amendment) Bill hi thla hmasa lawk, July thla khan pawm a ni thung.

KHADC CEM His­preaching Son Shylla chuan Executive Committee an neih zawh hnuamedia ten an kawm­naah sorkar hnenah bill thawn let leh tura an ngen dawn thu a sawi. 2015-a bill an pawm tawh chungchang sawiin KHADC CEM chuan sec­tion ṭhenkhat paih tur leh siamṭhat ngai an neih thu sawiin, Clan elder (Rangbah Kur) ruat dan chung chang pawh siam danglam leh a ngai a ni, a ti.

First amendment bill ami tho, Khasi leh Khasi lo kara fa piang chuan a Khasi nu hnam ang a ṭawm chuan Khasi status a nei ang tih pawh an paih dawn thu a sawi. Second amendment bill-a Khasi nu in Khasi ni lo pasal a neih chuan an fa te chu Khasi-ah pawm an ni lo tih a awm tawh tho avangin a hmaa mi hi chu paih a nih dawn thu a sawi.