Kaziranga National Park-ah vaccine certificate phut

Assam-a Kaziranga National Park director, P Sivakumar chuan Thawhṭanni khan thuchhuah siamin, national park tlawh tur khualzinte chuan Covid vaccination certificate an neih a ngai tih a sawi.

He ruahmanna hi Covid-19 hri darh tur venna kawng khat a nih thu sawiin, Sivakumar chuan khualzinte bakah researcher, scholar leh official dangte pawhin vaccine an la ngei tih lantirna hi an neih a ngai tih a sawi bawk.

National Park tlawhtute chu face mask vuah vek tur leh, hand sanitizer pai vek turin thuneitute chuan an hriattir a, jeep safari association hnenah pawh trip an neih zawh apiangin an motor chu damdawi hmanga kap thianghlim zel turin an hriattir bawk a ni.