Meghalaya state kum 50-na pualin Project 300 chuang hawng dawn

Meghalaya chief minister Conrad K Sangma chuan Meghalaya state a nih kum 50-na pualin kumin chhungin project 300 chuang hawn a ni dawn tih a sawi.

January 21 hi Meghalaya state a nih kum 50-na champha a ni a, a lawmna pui tham tak buatsaih an tum erawh hri leng thar leh avangin an ruahman angin an nei thei dawn ta lo tih CM chuan a sawi nghal bawk.

Sangma chuan a kaihhruai Meghalaya Democratic Alliance (MDA) sorkar chuan kumin chhungin project 300 chuang a hawng dawn tih a sawi a, ṭum khatah project te hi hawng vek loin kumtluanin an hawng zawk dawn tih a sawi.

State kum 50 tlin champha lawmna pui ber chu JN Complex-ah neih a ni dawn tih a sawi a, hri leng avangin district hrang hrangah hun hman theih a ni dawn lo a, hei vang hian Shillong-a hun hman hi virtual hmangin an lo zawm ve mai dawn a ni, a ti.