Manipur-ah mi 2 kaphlum

Manipur-a Imphal West district-ah Thawhṭanni zanlai vel khan mi tu tih hriat loh ten car aṭangin kawtthlera ding mi pahnih an kaphlum.

Wangoi khuaa misualten an kahhlum zinga pakhat zawk hi police a ni. Security force-te chuan pawikhawihtute man tum hian beihpui an thlak zui nghal a ni.

Chief minister N Biren Singh leh agriculture minister Oinam Lukhoi-te chuan pawikhawihna thlenna hmun tlawhin, mitthi chhungte an hmu nghal bawk.

Manipur-ah hian ni 54 chhungin hetianga inkahna a thlen ṭum ngana a ni a, mahse a hmaa pawikhawihna thleng kaihhnawihah pawh man an la awm lo a, eng pawl mahin an tih a nih thu an la sawi lo a ni.