ANYA-in AP CM Khandu bang turin phut

All Nyishi Youth Association (ANYA) chuan Arunachal Pradesh chief minister Pema Khandu chu bang tura phutin, January 13 hian Itanagar Capital Complex (ICC)-ah darkar 36 awh bandh huaihawt an tum.

December 10, 2021 khan ANYA hian CM Khandu hi eirukna hrang hrangah inhnamhnawiha puhna a awm tih sawiin, state sorkar hnenah lehkha an thehlut a ni. CM an puhnate hi ni 15 chhunga sawifiah turin an phut bawk. Mahse state sorkarin sawifiahna engmah a tihchhuah loh avangin December 30 khan CM hi bang turin an phut a ni.

ANYA president Byabang Joram chuan sorkarin an thil phutte a ngaih pawimawh loh avangin CM ban phuta nawrh huaihawt mai loh chu thlan tur dang an nei ta lo niin press conference an neihah a sawi.