AP: State Legislative Assembly-a Parliamentary secretary-te ban

Arunachal Pradesh-a parlia­mentary secretary awm zawng zawng mi 23-te chu Governor BD Mishra thupek tihchhuah angin an post tihtawp vek a nih thu nimina report-ah tarlan a ni.

Chief secretary Satya Gopal chuan Gauhati High Court, Itanagar permanent bench in thupek a tihchhuah angin Governor hian thupek a tichhuak ve leh niin a sawi.

Justice Monojit Bhuyan leh Justice Rumi Kumari Phukon-te kaihhruai high court bench chuan Kyoda Ram-an PIL a file an khar dawnin, Arunachal Pradesh Parliamentary Secretaries (Appointment, Salaries, Allowances and Miscellaneous Provisions) Act 2007 chu ram danpui kalh a nih thu July 25 khan an sawi a, Supreme Court in nikum-a thutlukna a lo siam tawh zulzuia thutlukna hi siam an nih thu an sawi bawk.

Judge-te chuan Supreme Court tutlukna chu party te pawhin an pawmpui niin an sawi.

Apex court chuan Assam Parliamentary Secretaries (Appoint­ment, Salaries, Allo­wances and Miscellaneous Provisions) Act, Congress sorkar in a din chu Article 194 kalh a nih thu an lo sawi tawh a, state legislature-te chuan hetiang office hi an din thei lo niin an lo sawi tawh a ni.