Manipur-ah lirthei panga hal

Manipur-a Imphal leh Jiribam inkar kawng, Tamenglong district-ah Ningani khan motor panga hal a ni.

Zeliangrong group pathumte chuan Nilaini zan aṭang khan darkar 24 bandh an huaihawt a, bandh lai hian heng lirthei te hi hal an ni. Lirthei haltu te hi tute nge an nih hriat ni lo mah se bandh thlawptute an nih thu report chuan an tarlang.

Zeliangrong group-te hian National Socialist Council of Nagaland- Isak Muivah (NSCN-IM)-ten Zeliangrong community-a division din an tum nia sawi chu an dodal tih lantir nan bandh hi an huaihawt a ni.

Jiribam lam pan tur lirthei passenger phur chu pahnih leh Imphal lam pan tur bungraw phur truck pathumte chu Kaiphundai, National Highway 37-ah bandh thlawptu te hian an hal.

Bandh huaihawttu pawl pathumte hi Ze­liangrong Baudi, Ze­liangrong Youth Front (ZYF) (Assam, Manipur and Nagaland) leh All Zeliangrong Students’ Union-te an ni a, ZYF leh Zeliangrong student hruaitu August 4-a ruk bonaa inhnamhnawih NSCN-IM mi te chu man an phut bawk a ni.

Zeliangrong Civil Organisation chuan NSCN-IM te chuan har­satna tam tak an thlen tih an sawi bawk.