Independence Day niah tak Manipur sipai hmun bei

Manipur police official-te chuan Nilaini, Independence Day ni takah khan Churachandpur district-a Indo-Myanmar international border bula sipai camp chu hel pawl ten an beih thu an sawi.

Sipai camp beihnaah hian eng hel pawl mahin an inhnamhnawih thu an la sawi lo a, thi leh hliam an awm thu report a awm lo bawk.

Hel pawlte hian Singngat police station huamchhunga Teigotang thingthlang khaw bula 6 Sikhli ‘B’ Company sipai camp chu Nilaini zingkar dar 5.15 velah khan lathode shell pahnih hmangin an bei a ni. Sipai te hian an kap let ve nghal niin police-te chuan an sawi.