Assam-Manipur border-ah hel kaphlum

Assam police-te chuan Thawhṭanni khan Assam leh Manipur inrina bul, Jirighat area-ah helpawl pahniha nia hriatte an inkap a, Naga hel pakhat kahhlum a nih thu an sawi.

He thil thlenna hi Cachar district-a Jirighat police station huam chhung, Rongmai Basti area-ah a ni.

Police-te sawi danin, Thawhṭanni zan dar 11 vel khan pawl pahnihte hi an inkap a, kum 30 mi David Rongmai chu kahhlum a ni. Cachar district SP Ramandeep Kaur hoin police leh CRFP team chuan Thawhlehni zing khan Jirighat area hi an pan nghal a ni. Kaur chuan tualchhung mite pawh an kawm nghal thu leh, inkapte hian an hmai an tuam vek thu an sawi niin a tarlang a, an chhui chian mek thu a sawi bawk.

Inkahna thlen hnuah ramri-ah hian venhimna pawh tihkhauh nghal a nih thu Cachar SP chuan a sawi.