Tripura Tribal Welfare Minister in NRC ennawn thlawp

Tripura Tribal Welfare minister Mevar Kumar Jamatia chuan Inrinni khan state chhunga National Register of Citizenship (NRC) ennawn chu a thlawp thu sawiin, an party IPFT pawhin state dang ang bawkin NRC kalpui an la ngiat ve dawn thu a sawi.

Indigenous Peoples Front of Tripura (IPFT) hi Tripura-ah hian BJP nen an ṭangrual a, kumin February inthlanah khan sorkarna an siam a ni.

Jamatia hi IPFT General Secretary a ni a, Tripura-ah chuan NRC kalpui ve dan tur an ngaihtuah reng a ni tih a sawi.

IPFT hian a hmain state chhunga NRC kalpui hi an lo ngiat tawh a, ram leilung faten anmahni ramchhung ngeiah an nihna avangin harsatna an tawk niin an lo sawi tawh a ni.

Prime Minister Narendra Modi leh BJP president Amit Shah-te pawhin NRC ennawn chungchang hi an lo sawichhuak fo tawh niin a sawi bawk.