Manipur: Jiribam Police-ten ramdang mi nia hriat mi 52 chhuahtir

Assam in NRC draft list July 30-a a tihchhuah aṭang khan Manipur-a Jiribam District Police-te chuan kartin Zirtawpni tin state chhunga rel hmanga lutte endikna an nei ziah a, kar kalta Zirtawpni pawh khan mi 52 chuan id mumal an nei lo tih an hmuchhuak.

Police-te chuan heng id leh document mumal nei lo an manchhuah zingah hian hmeichhia 10 leh naupang 10 an tel tih an sawi a, rel ticket takngial pawh an nei lo tih an sawi.

Heng an mi man te hian Jiribam leh Vangai­chungpao-a sight seeing neih an tum thu sawi mah se Police-te chuan state chhunga an luh an phal lo a, ramri pawn lamah an chhuahtir leh tih an sawi a ni.

Zirtawpni hmasa zawk­ah pawh khan Jiribam police-te hian mi 37 an lo nawrchhuak tawh bawk. Heng mite chungchang hi Railway thuneitute leh state leh district thuneitute pawhin engmah an hre lo nia tarlan a ni.