Assam lemchan thiam in Norway-ah Best Actor Award dawng

Assam lemchan thiam Adil Hussain chuan Norway-a chawimawina ngaihhlut, Amanda Awards semnaah Best Actor award a dawng.

Hussain hian Norwegian-Pakistani film siam ṭhin Iram Haq film siam ‘What Will People Say’tih film-a a chan avangin award hi a dawng a ni. He film hi Pakistan leh Norway-a chan niin Pakistan chhungkua Norway-a pem te fanu tleirawl leh Norway tualchhung mipa naupang chanchin a ni.

Hussain chuan a award dawn chu art in ramri kham a kan vek thei tih pawmtute zawng zawng tan a nih thu a sawi. Hussain hi kum 54 mi a ni tawh a ni.