Shillong-ah zan curfew sût fel

Meghalaya-a East Khasi Hills District, District Magis­trate chuan Thawhṭanni aṭang khan zan curfew chu Shillong khawpuiah sut fel a nih tawh thu a puang.

Magistrate chuan curfew in a huam chin Lumdiengjri Police Station huamchhung a awm Jaiaw, Mawkhar, Um­sohsun, Riatsamthiah, Wahingdoh, Mission, Mawp­rem, Lumdiengjri, Lamavilla, Qualapatty, Wahthapbru, Sunny Hill, Cantonment, Mawlong Hat bakah Cantonment Beat House Area ahte hi August 20, 2018 aṭangin zan lama curfew puan ṭhin chu sut fel a ni tawh tih a tarlang.

Shillong-a May 31-a Mot­phran hmuna buaina chhuakah khan police 100 chuangin hliam an tuar a, mi 40 vel man an ni bawk a, buaina a punlun zel loh nan curfew hi district thuneitu lamin an puang zui nghal a ni.

Mahse tunah chuan boruak a pangngai leh tawh avangin curfew hi an hlip fel leh ta a, zan lama curfew hi thla hnih chhung vel an kalpui hman a ni.