London-a Assamese Community ten citizenship dodal
London-a Assamese Community-te chuan United Kingdom-a Indian high commissioner, Y.K. Sinha hnenah memorandum thehlutin sorkar laipuiin Citizenship (Amendment) Bill, 2016 kalpui a tum chu an duh loh thu an tarlang.
Assamese Community-te hian Citizenship (Amendment) Bill, 2016 hi pawm a nih chuan Assam chuan a nihphung, a culture leh an ṭawng thlengin an hloh dawn niin an sawi.
Citizenship (Amendment) Bill, 2016 hi pawm a nih chuan Bangladesh, Pakistan leh Afghanistan aṭanga Decenber 2014 hmalama ramchhunga rawn lut te chu khua leh tuia pawm an ni dawn a, hetiang a nih chuan National Register of Citizens, 1951 update chuan awmzia a nei dawn lo niin an sawi a ni.
London Assamses Community aiawha Sinha hmutu zinga mi Rini Kakati chuan he bill hi pawm a nih chuan Bangladeshi Hindu-te chu a chhawr ṭangkai ber tur an nih thu leh Assam-ah heng mi tam tak hi an pem ngei dawn thu a sawi. Hei hian Assam culture leh an nundan phung chu nasa takin a nghawng dawn a ni, a ti. Hemi anih avang hian Citizenship Bill chu na taka an dodal thu a sawi.
Sinha hmu tur hian mi pasarih an kal a ni.