Vajpayee vap Shillong leh Tripura luiah te paih dawn

Prime Minister hlui boral ta Atal Bihari Vaj­payee vap chu Meghalaya state khawpui Shillong leh Tripura lui ṭhenkhatah paih a ni ve dawn.

Meghalaya Health and Family Minister, Alexander Laloo Hek chuan nimin khan Prime Minister Narendra Modi chuan state BJP President zawng zawng hnenah a pe dawn tih a sawi a, an state BJP President Shibun Lyngdoh chuan nimin khan New Delhi-ah Vajpayee vap hi a la dawn tih a sawi.

Shillong-ah hian BJP State office-ah Prime Minister boral te pual hian Asthi Kalash Yatra buatsaih a ni dawn a, Inrinni hian PM hlui ruang hi Rilbong Dhobi Ghat bula luang Umshyrpi luiah paih a nih dawn thu a sawi bawk.

Tripura Chief Minis­ter Biplap Kumar Dep pawhin Atal Bihari Vajpa­yee vap chu amah zahna lantir nan an state chhunga lui ṭhenkhatah paih a nih dawn thu a sawi.

CM Deb chuan Gomati leh Haora lui bakah state chhunga lui pawimawhah te Vajpayee vap hi an paih dawn tih a sawi a ni.