Assam leh Meghalaya CM-ten border talk nei ; Thutlukna siam hmain Amit Shah an hmu dawn

Assam chief minister Himanta Biswa Sarma leh Meghalaya chief minister Conrad K Sangma-te chuan Nilaini khan Khanapara-a State Guest House-a ramri chinfel dan ngaihtuahin inbiakna an nei leh.

Chief Minister-te hian ramri an buaina an neih mek zinga hmun paruk-a thil awmdan enfiah tura an ruat, regional committee-te report an sawidun a ni. Heng hmun paruka buaina a neihte mekte chu January 21-a Meghalaya state kum 50 tlin champha a thlen hma ngeia tihfel an remti a, hemi rual hian thutlukna siam hmain union home minister Amit Shah hmuh dun phawt an rel bawk.

Nilainia meeting neihah hian Assam CM hi cabinet minister pahnih - Atul Boral leh Chandra Mohan Patowary-ten an ṭawimawm a, Meghalaya CM hi deputy chief minister Prestone Tynsong leh cabinet minister Lakhmen Rymbui-ten an ṭawiawm a ni.

State pahniha regional committee dina chairperson-te chuan ramri an tlawh an thil hmuh chhuah te, tualchhung mite an kawmna hrang hrang report chu chief minister-te hian an sawidun bawk.

Minute 45 chhung meeting hi neih a ni a, meeting zawha chanchinthar lakhawmtute a kawmnaah Meghalaya deputy CM Tynsong chuan kimchang taka thil ngaihtuah a nih thu leh, meeting hlawkthlak tak an neih thu a sawi.

Assam leh Meghalaya hian ramri buaina a neih mekna hmun 12 zinga hmun paruka an buaina chu chinfel phawt an tum a, heng hmunte hi Meghalaya-a West Khasi Hills, Ri Bhoi leh East Jaintia Hills district leh Assam-a Cachar, Kamrup Metro leh Kamrup district huam chhunga mite an ni.

Ramri buaina chinfel dan ngaihtuahin state pahnih chief miniter-te hian nikumJuly thlak khan inbiakna an nei ṭan a ni.