Dik takin hma lak a ni ang : Army Chief

Indian Army Chief General MM Naravane chuan Nagaland-a security force-ten beihpui an thlaknaa civil mi 14 kahhlum an nih chungchangah, he thila inhnamhnawih sipaite laka dik taka action lak a nih tur thu a sawi.

Army Chief chuan Nagaland-a thil thleng chungchang hi uluk taka chhui mek a ni a, an thil chhuina aṭang hian mawhphurtute chungchang chuan dan angin action lak a ni dawn tih a sawi a ni.

Mon district-a security force-ten civil mi an kahhlum chunghcang hi Army lam hian Major General kaihhruaina hnuaiah a chhui chiang ve mek bawk a ni. Inquiry team hian Oting khua pawh an tlawh tawh a ni. Mahse tualchhung mite leh civil society group-te chuan sipai lamin thil thleng an chhuina hi an rinngam tawk lo tih an sawi thung.