Meghalaya MLA-in statehood day lawmna boycott tum

Meghalaya-in state an nih champha kum 50-na, Golden Jubilee lawm tura an inbuatsaih mek laiin, Khun Hynniewtrep National Awakening Movement (KHNAM) MLA Adelbert Nongrum chuan boycott tumin chief minister Conrad K Sangma hnenah memorandum a thehlut.

Meghalaya ṭangrual sorkara tel, KHNAM MLA Nongrum chuan CM hnenah hian an thil phut pangate tarlangin, state sorkar chu sorkar department hrang hranga hna lakna leh, educational institution-a admission tihnaa reservation policy chu ennawn turin a ti. Hna laknaa upper age limit pawh tipung tur leh, IAS, IPS leh IFS-ah Meghalaya State Cadre hran siam tur te, Sweeper Colony sawn tur leh state ramri buaina chinfelna tur resolution siam turin a phut.

State mipuite tana thil pawimawh hrang hrangte chu sorkar chuan a chinfel thuai a pawimawh thu sawiin, heng a thil phutte hi ngaihtuah an nih loh chuan state Golden Jubilee lawmna chu a boycott dawn tih a sawi a ni.