AP sorkarin khuahkhirhna siam thar

Arunachal Pradesh sorkar chuan state chhunga Covid-19 hri kai an pun chhoh zel avangin hri leng laka invenna turin khuahkhirhna a siam thar.

January 31 thlenga hman turin zan lam curfew puan a ni a, zan dar 9 aṭanga a tuk zing dar 5 thleng curfew hi puan a ni. Sorkar leh private school hrang hrangte pawh January 31 thleng khar niin, online class kalpui leh a ni.

University, college leh technical institution-te chu 50% chin kal tur leh, zirna inah pawh khauh taka Covid kaihhruaina dan kengkawh tura tih a ni.

Arunachal Pradesh-ah hian state dang aṭangin Covid vaccine dose kima la chin chauh luh phal a ni bawk.

Office, bar, restaurant, gym, public transport, swimming poll leh cinema hall-te pawh 50% capacity chin awm phal a ni. Republic Day leh Arunachal Pradesh state kum 50-na lawmna tur pawh ṭhulh tura tih a ni bawk a ni.