Mipui hriatah SIT report puangzar turin ngen

Naga civil society organisation-te chuan Nagaland sorkar hnenah Mon district-a sipaiten civil mi 14 an kahhlum chungchang chhuitu, Special Investigation Team (SIT) report thehluh chu mipui hriata puangzar turin an ngen.

Nikum December thlaa Oting khuaa army paramilitary commando-ten civil mi an kahhlum chungchang chhui tur hian state sorkar chuan SIT hi a din nghal a ni. Ni 30 chhunga report thehlut tura tiin, hei hi January 5 khan a tawp a ni. Tunkar Thawhlehni khan SIT hian preliminary report a thehlut a, final report pawh an peihfel thuai tur thu an sawi.

Global Naga Forum (GNF) chuan Naga mipuite thil thlen dan dik tak an hriat theihna turin SIT report chu an hriat ve a ngai tih an sawi. Naga Students' Federation pawhin mipui hriata report hi puangzar turin an phut bawk.