Sikkim : Covid vanga thi chhungte zangnadawmna pe

Sikkim sorkar chuan an state chhunga Covid-19 vanga mi 75 chhungte hnenah zangnadawmna, Rs 50,000 ṭheuh a pe chhuak tawh.

State Disaster Relief Fund chuan hripui vanga thi, mi 410 chhungte hnenah zangnadawmna hi a pe dawn a, an sum sen tur hi cheng vaibelchhe 2.05 a tling. Panchayat /block/ district level officer-ten an pawmpui hnuah, chhungkaw 75 hnenah sum hi an pe chhuaktawh a ni.

Kum 2020, November 26 khan Sikkim Disaster Managment department chuan zangnadawmna an dawn theihna turin Covid-19 vanga thi chhungte hnenah hri vanga thi an ni tih finfiahna certificate thehlut a, form fill up turin a lo hriattir tawh a ni. Covid thihpui hi mi 400 chuang awm tawh mah se, zangnadawmna an dawn theihna tura certificate leh dilna thehlut hi 314 chauh an la awm a ni, midangte pawhin an thehlut thuai an beisei tih Disaster Managment secretary Sarala RAi chuan a sawi. Mahse registration hi an thih atanga ni 30 chhungin an chhungte hian an tih a ngai tih a sawi bawk.