Hmarchhakah ramngaw chereu nasa

Ministry of environ­ment-in Ningani-a India State of Forest Report (ISFR) 2021 a tihchhuahah, kum 2019-2021 chhungin hmarchhak biala ramngaw zau zawng chu square km 1,020 in a tlahniam hman tih a tarlang.

Hmarchhak state pariat - Arunachal Pradesh, Assam, Manipur, Nagaland, Tripura, Mizoram,Meghalaya leh Sikkim-a ramngaw zau lam hi rampum huapa ramngaw zau lam aṭanga 23.75% a tling.

Report-in a tarlan danin, hmarchhak state zingah Arunachal Pradesh-ah kum 2019-2021 chhungin ram ngaw hi a chereu nasa ber a,forest cover sq km 257 zet a hloh. Meghalaya-a ram ngaw sq km 249, Nagaland-ah sq km 235, Mizoram-ah sq km 186, Manipur-ah sq km 73, Assam-ah sq km 15, Tripura-ah sq km 4 leh Sikkim-ah ram ngaw sq km khat a chereu a ni.