Manipur: Mipui-ten tualthattu nia rinhleh in tichhia

Manipur Imphal East district-ah chuan Thawhlehni khan police-ten hmeichhe rukbo leh thah thubuaia an man chenna in chu mipuiin an tichhiat sak.

An mi rinhleh hi Thawh­ṭanni khan man a ni tawh a, amah hi police kutah awm tawh mah se a in hi an tichhiatsak a, a chhungte pawh khaw­tlangin an ensam bawk.

An mi rinhleh hi kum 29 mi, Rohit, Khergao Makha Leikai mi a ni a, hmeichhia kum 26 rukbo leh thah thubuaiah rinhleh a nih avangin Imphal East police leh Kangpokpi police ṭangkawp te chuan Thawhṭanni khan an man a ni.

Police-te chuan Rohit hian a fake account aṭangin Memi Chanu, Ekou bazaar ami chu ṭhianah a siam niin an sawi a, August 14 khan Memi hian Rohit hmu tur hian an in a chhhasan a, hemi hnu hian a bo zui ta niin an sawi.

He thil theng avang hia Memi pa hian FIR a thehlut a, an chhuizuinaah fake account a biak ṭhin leh hmu tura a chhuah chhan chu Rohit hi a ni tih an hmuchhuak ta a ni. Nula ruang hi August 17 khan Iril luiah an chhar ta a ni.

Police-te chuan an mi man hian he pawikhaiwhna hi a tih ngei a nih thu a inpuang niin an sawi a, an inhnialbuai vangin a that ta mai niin an sawi.

Ekhou Bazaar-a cheng­te chuan pawi­khawihtu hi khaihlum ngei nise an duh thu an tlangaupui a, darkar 48 chhung ngeia khaihlum an duh thu an sawi. Nula ruang pawh hi mitthi dahna hmunah dah a la ni a, an la vui lo a ni.

JAC convener Kh Dharmen chuan thuneitu lam aṭanga chanchin duhawm hriat a nih hma chuan nula hi an vuiliam dawn lo tih a sawi.