Assamese film in Florida-ah best screenplay award dawng

Assamese film ‘Xhoihobote Dhemalite’ (Rainbow Fields) chuan Treasure Coast International Film Festival, Flo­rida (USA)-a neihah Best Screenplay award a dawng. Treasure Coast International Film Festival hi August 16-19 chhung khan neih a ni.

Award hi film Writer-director Bidyut Kotoky chuan a dawng a, he film hi Assam behchhana siam ni mah se khawvel ram chanve tana sawizawm theih tak film a nih thu a sawi a, "Xhoihobote Dhemlite fim-ah hian khawvel cinema Assamese ṭawngin kan siam mai niin kan ngai," tia sawiin, Treasure Coast International Film Festival hnenah lawmthu a sawi bawk.

Xhoixobote Dhemalite hi thla hmasa khan US-ah tlangzarh a ni a, Assamese film US-a tlangzarh hmasak ber a ni.

He film hian award pathum a dawnna a ni ta a, Love International Film Festival, Los Angeles (Cali­fornia)-ah pawh Best Film award a lo dawng tawh bawk.

Rainbow Fields hi thil tak tak thleng behchhana siam niin 80's chho vela Assam in harsatna a tawh nasat lai bechhana siam a ni. Naupang tharum thawh tamna hmuna seilian, chu chuan a nunah nghawng a neih nasat zia lanchhuahtirna film a ni.