NSCN-K hel pawl mi Arunachal-ah man

Arunachal Pradesh-a Tirap District-a Khogla thingtlang khuaah Ni­nga­ni khan Naga hel pawl, Nationalist Socialist Coun­cil of Nagaland- Khapalang (NSCN-K) hel pawl ami man a ni.

Hel pawl mi mantute hi Khonsa Battalion-te an ni a, intelligence aṭanga an thudawn bawhzuiin Khogla khuaah hian beihpui an thlak a, NSCN-K hel pawla mi Wangsa inti chu an man ta niin an sawi.

An mi man kut aṭang hian pistol, silai mu engemaw zat, pawi­khawihna kaihhnawih thuziak leh opium-te an man tel thu an sawi bawk.

Defence thupuangtu chuan an mi man hian NSCN-K mi a ni ngei tih a inpuan thu an sawi a, 2014 aṭang khan hel pawl hi a zawm thu leh ramdangah thla thum chhung ralthuam hman dan training a neih thu a sawi tih an sawi bawk a ni.