Meghalaya by-poll-ah CM in an chak ngei dawn thu sawi

Meghalaya Chief Minister leh South Tura by poll-a NPP candidate tur Conrad K Sangma chuan Ningani khan South Tura by-poll-ah hnehna an chan ngei dawn thu a sawi.

Conrad K. Sangma chuan an sorkar Meghalaya Democratic Alliance (MDA) chuan he inthlan ṭhat neih turah hian hnehna an chan ngei a rin thu leh, ruahmanna dang pawh siam a ngai lo niin a sawi bawk.

Tura-a chanchinthar lakawm tuten an kawmnaah Sangma chuan MLA thlanna mai ni lo in CM thlanna ang deuh thaw a nih thu a sawi a, an party chu an phur tawh thu leh hnehna pawh an chan ngei a rin thu a sawi a ni.

South Tura leh Ranikor constituency-ah Thawhṭanni hian inthlan ṭhat hi neih a ni ang.

Tling lo ta se engtin nge ruahmanna dang an siam tia media ten an zawhna chu chhangin Sangma chuan an tlin ngei dawn thu leh ruahmanna dang siam a ṭul loh thu in a chhang.

Chief Minister Sangma chuan Ranikor-ah pawh hnehna an chan ngei a rin thu sawi bawk a ni.