Kum 2021 ah samak 1 kahhlum a ni

Assam-a Kaziranga National Park-a samak ki pakhat nei awm zinga pakhat chauh chu nikum chhung khan sapeltute kutah a thi a, kum 21 chhunga sapeltute kuta samak thi a tlem ber ṭum a ni.

Nikuma din, Anti-Poaching Task Force (APTF) chuan samak pel ṭhin veng turin nasa takin hma an la a, an hmalakna a hlawhtling chho nghal a, national park-a sapel ṭhin pawh a tlahniam nghal hle.

Kum 2013-14 khan Kaziranga-a samak 54 zet chu sapeltuten an kaphlum a ni. Kum 2018 khan pasarih kahhlum niin, kum 2019 ah pathum leh 2020 ah pahnih kahhlum an ni. India ramah samak hi kum 1905 khan 75 an awm a, 2020 ah 3,600 ah an pung. Kum 115 chhungin a let 35 zetin an pung a ni.