Meghalaya sorkar in KHADC hnenah Khasi Lineage Bill thawn let

Meghalaya sorkar chuan KHAD (Khasi Social Custom of Line­age) (First and Second Amendment) Bills on Khasi lineage-a amendment bill pahnih chu KHADC hnenah an thawn let.

Sorkar official-te chuan District Council Affairs Department chuan KHADC chief executive member HS Shylla hnen aṭanga bill thawn let leh tura lehkha an dawn avangin department chuan KHADC hnenah chuan Zirtawpni khan an thawn let leh ta niin an sawi.

Shylla-a lehkhathawn­ah hian bill hi sawiselna a nasat avangin khawih danglam leh hret a ngai tih a ziak tel nia tarlan a ni.

First Amendment Bill hi 2015 khan KHADC chuan a pawm a, Second Amendment Bill hi kumin khan an pawm thung. Khasi Hills Autonomous District (Khasi Social Custom of Lineage) (Second amendment) Bill, 2018-ah hian Khasi hmeichhia Khasi ni lo pasal-a nei chuan ST an nih anga hamṭhatna an hmuh theih loh tur thu leh an fa te pawh Khasi-a pawm an nih dawn loh thu a inziak.