Assam-ah bungraw phur rel chesual

Assam-a Digaru leh Panbari rel station inkarah Inrinni khan bungraw phur rel a chesual a, rel service lai 30 vel chu a nghawng phah hial a ni.

Rel chetsualna hmun hi Guwahati aṭanga km 28 vela hlaa awm a ni a, Northeast Frontier Railways (NFR)-a Lumding division huam chhunga thleng a ni.

NFR Chief Public Relations Officer Pranav Jyoti Sharma chuan rel hian bungrua wagon 20 vel a phur niin a sawi a, Guwahati leh Lumding inkar rel service-te chu an buai phah hle tih a sawi bawk.

NFR General Ma­nager Sanjive Roy chuan a hmunah a enfiah bawk a ni.

Sharma chuan rel tangkhang te hi passenger phur an nih tlangpui thu a sawi.