Dimapur tuilianin chhungkaw 700 nghawng

Nagaland-a Dimapur-ah chuan Pathianni zing khan ruah nasa tak a sur avangin tui a lian a, chhungkaw 700 vel a nghawng.

Dimapur district thuneitute chuan LRC, Sachu, Zeliangrong, Half-Nagarjan, Bor-Lengiri leh Lengrijan area-te chu a nghawng nasa zual niin a sawi a,

Additional Deputy Commissioner (ADC) Dimapur, Albert chuan tuilian vanga harsatna tawk chhungkua te hnenah hian chhawmdawlna nimin khan an pek nghal dawn thu a sawi.

Tui hian kiam lam a pan leh nghal avangin Pathianni chawhnu lamah kha chuan chhungkaw inthiar chhuak te hi an chenna inah an indah lut leh nghal niin an sawi a, mahse hmun ṭhenkhat erawh chu tui hian a la chim nasa hle niin an sawi bawk.

Albert hian district thuneitute hian rang takin hma an lak nghal thu a sawi a, State Disaster Response Force (SDRF)-te chuan ṭanpuina hna an thawk nghal niin a sawi a ni.