International Airport parukin Guwahati thlunzawm dawn

Union civil aviation ministry chuan UDAN Draft Scheme Document of Interna­tional Air Connectivity Scheme hnuaiah Assam state khawpui Guwahati airport chu International airport paruk nen thlunzawm a nih theih nan ruahmanna an siam.

International Air Connectivity Scheme hian India state-te leh ramdang airport-te thlunzawm a airline-te hnena sum hmanga puih a tum a ni.

Draft scheme hi civil aviation ministry leh Airports Authority of India website-ah stakeholder ten ngaihdan lakna turin an dah tawh a ni. Ministry chuan September 4, 2018 thleng stakeholder-te tan hian comment theihin an dah ang.

Scheme-a an tarlan dan chuan Guwahati airport chu Dhaka, Kathmandu, Yangon, Singapore, Bangkok leh Kuala Lumpur nena thlunzawm tum a ni.

Draft scheme in ruahmanna a siam dan chuan Dhaka thleng hian subsidy cheng 2,370, Kathmandu thlengin cheng 2,710, Kuala Lampur-ah 7,350, Yangon-ah 4,770, Singapore-ah cheng 7,880 leh Bangkok thleng 4,400-te siam an tum niin an tarlang.

Union civil aviation minister Suresh Prabhu chuan state sorkar hmalakna a tel thu leh state sorkar chuan route an hman tur ruahmanna pawh an siam dawn niin a twitter-ah a ziak. Prabhu chuan Assam leh Andhra Pradesh chu he scheme hnuaiah hian an tel tawh niin a ziaklang tel bawk.

Prabhu chuan International Air Connec­tivity Scheme-UDAN hnuaiah hian ram mipuite tan awlsam zawka ramdanga zinna tur an ngaihtuah thu a sawi a, hei hian ramdang nena insumdawn tawnna bakah economy thleng pawhin hmasawnna a thlen dawn niin a sawi.