Meghalaya: Ranikor UDP candidate Pius Marwein a chak

Meghalaya-a Rankor inthlan ṭhatna August 23-a neih result chu Thawhṭanni khan chhiar a ni a, United Democratic Party (UDP) candidate Pius Marwein chuan hnehna a chang.

Ranikor Constituency-ah hian MLA ni lai Martin M. Dango chuan a party Congress chhuahsanin National People’s Party (NPP)-a zawm avangin he constituency seat hi a ruak a, August 23 khan inthlan ṭhatna hi neih a ni ta a ni.

Ranikor-ah hian Danngo chu NPP ticket in a ding leh tho a, mahse UDP candidate Mar­wein hi a hneh zo ta lo a ni.

UDP candidate Marwein hian vote 13183 an hmuh laiin NPP lam hian vote 10287 an hmu thung a, INC in vote 938 hmu in PDF in vote 1978 an hmu a, NOTA-ah vote 184-a tla thung.

Hetiang hi vote tlak dan dinhmun a nih avangin UDP Candidate chuan vote 2896 in hnehna a chang ta a ni.

NPP President leh chief mi­nister ni lai Conrad K. Sang­ma chuan Ranikor-a hneh­na an chang zo lo chu mak a tih thu leh a awih loh thu a sawi a, UDP chu a lawmpui thu a sawi bawk.

Thawhṭanni khan Ranikor constituecy bakah hian South Tura by-poll result pawh puan a ni a, NPP candidate leh chief mi­nister ni bawk Conrad K. Sang­ma hian hnehna a chang a ni.