Manipur-ah hri kai hmuh belh

Manipur-ah Ningani khan Covid-19 kai mi 19 hmuh belh a ni a, hemi ni vek hian hri kai enkawl mek mi 37 chu an dam tawh avangin damdawiin aṭangin chhuahtir an ni. Covid-19 kai hmuh tawh hi mi 1,279 an tling tawh a, an zinga 616 chu an dam tawh a, enkawl mek 663 an la awm. Jiribam police station-a duty pakhat chuan hri hi a kai tih hmuh a ni a, hei vang hian he police station hi containment zone-ah puan nghal a ni a, duty dangte pawh an sample lak sak vek an ni.