Meghalaya-ah hri kai thar pahnih awm

Mehgalaya-a Ri Bhoi district-ah Covid-19 positive hmuh tawh contact zinga pahnih chuan hri hi an kai tih hmuh chhuah leh a ni. 

Hri kai hmuh tawh hi mi 58 an tling tawh a, an zinga 42 chu enkawl dam an ni tawh thung. Meghalaya recovery rate hi Ningani khan 80.80% a ni a, hmarchhak state zingah recovery rate sang ber niin, ram pumah pahnihna a ni pha bawk. Chandigarh state recovery rate chu 82.30% a ni a, India ramah a sang ber a ni. 

Meghalaya sorkar chuan BSF hnenah state chhunga hri kai hmuh zat chungchanga mipuite hnenah a zat dik lo hrilh lo turin a hriattir. Meghalaya-ah hian BSF mi leh sa zinga parukin  hri hi an kai tih hriat a ni tawh a, an zingah hian BSF driver nupui pawh a tel a ni. 

Health and family welfare minister Alexander Laloo Hek chuan chief secretary MS Rao hnenah BSF Frontier headquarters hnenah, Covid-19 chungchangah chu state sorkar sawipui zel tura hraittir turin hrilh a ni, a ti. State chhunga Covid-19 kai hmuhte chu sample test a nih vek hnua helath and family welfare department-in a nem­nghet vek an ni tih a sawi.