Assam NRC: Claim leh objection siam hun sept.4-ah sawn

Supreme Court chuan Thawhlehni khan ramification report a duh thu tarlangin, Assam National Register of Citizens (NRC) draft list-a tel lo mi nuai 40 chuang hun dang pek leh ṭhatna leh ṭhat lohna report pawh a duh thu a tarlang.

Justices Ranjan Gogoi leh Rohinton Fali Nariman-te kaihhruai bench chuan Assam state co-ordinator Prateek Hajela chu September 4-a report hi thehlut turin an ti.

Hearing chu September 5-a neih tura hun ruat nghalin, SC chuan report chu anmahni hnenah chiah pe turin thu a pe.

Court chuan hemi aniha avang hian NRC draft list-a tel lote insawifiahna hun, claim leh objection an siam theihna hun atana August 30 ruahmanna awm pawh chu an sawn khawtlai tih an sawi nghal.

Hajela chu NRC-a tel lo te enfiahna nawn leh hun tur atana hun an mamawh zat tur pawh sawi nghal turin an ti bawk a ni.