AP: SGI in resource planning-ah ṭanpui dawn

State Remote Sensing Application Centre (SRSAC)-a expert team-te chu Surveyor general of India Lt Gen. Girish Kumar chuan Arunachal Pradesh-a planning, monitoring leh natural resources management lama hmasawnna turin geospatial technology-ah theih ang tawka an ṭanpui dawn thu a hrilh.

SRSAC team-te hian Dehradun, Uttarakhand-a Kumar-a office hi tunhnai lawk khan an tlawh nia tarlan a ni a, SRSAC director H. Dutta leh deputy director Tana Tage hoin an tlawh a ni.

Kumar chuan geo­spatial technology hmanga SRSAC-te nena thawhho chu a tuizawng tak a nih thu hrilhin thingtlang hmun kilkhawr zawka hmasawnna thlen chu phurawm a tih thu a sawi.

Elevation model (Dem) generation, flood forecasting, water re­servoir hun taka enfiah, geoid model siam te chu a phurna leh a tuina lam a nih thu a sawi bawk.

Kumar chuan October thlaah Arunachal Pradesh chu tlawh ngei a tum thu sawiin, geospatial technology hmanga thawhhona tura inremna chu Survey of India, SRSAC leh Arunachal Pradesh ten an ziah thuai theih a beisei thu a sawi a ni.