KHADC in Khasi Lineage Bill-a provision ṭhenkhat tichangtlung dawn

Meghalaya-a Khasi Hills Autonomous Dis­trict Council (KHADC) Executive Committee (EC) hnuaia Consultative Committee-te chuan Thawhlehni khan KHAD (Khasi Social Custom of Lineage) (First and Second Amendment) Bills chungchanga mee­ting hmasa ber an nei.

KHADC bill hi Thawh­ṭanni khan sorkar chuan KHADC hnenah a thawnlet leh a, Thawhlehni khan Consultative Committee-te hiam meeting an nei nghal a ni.

Consultative commi­ttee chairman Manstudy Nongrem chuan KHAD (Khasi Social Custom of Lineage) hi 1997-a pawm a nih thu sawiin 2005 aṭang chiah khan Act-a ni tih a sawi. Council chuan amendment bill pahnih 2016 leh 2018-ah an siam thu sawiin, tuna Executive Committee ding lai mke te chuan hei pawh hi la siam-ṭhat-a la tihchangtlun an duh thu a sawi.

Nongrem chuan Co­mmittee chuan JHADC lam ngaihdan lak pawh ṭula an hriat thu sawiin bill hian Khasi leh Jaintia te chu a nghawng thei dawn niin a sawi a ni.

Meeting leh hun tur erawh an ruat loh thu sawi-in JHADC lam an biak phawt dawn thu a sawi.

Hetihlai hian Khasi Hill Autonomous District Council (KHADC) CEM HS Shylla chuan KHAD (Khasi Social Custom of Lineage) (First and Second Amendment) Bill-ah third gender an dah dawn loh thu Thawhṭanni khan a lo sawi tawh bawk.

Supreme Court chuan April 2014 khan third gender hi pawm tawh mah se Shylla chuan anni chuan an pawm ve loh thu sawiin mipa leh hmeichhia chiah an hriat thu a sawi.