Manipur-ah Omicron variant kai 32 hmuh belh

Manipur-ah Thawh­ṭanni khan Covid-19 Omicron variant kai mi 32 hmuh belh an ni a, an state-ah he variant kai hmuh chhuah hi mi 39 an awm tawh.

Health director Dr K Rajo Sing chuan Omicron kai hi state chhunga district hrang hrangah hmuh an ni tih a sawi. Mipuite chu hri darh tur venna atana kaihhruaina siamte ṭha taka zawm turin a ngen nghal a, Covid-19 variant hrang hrang laka invenna atan face mask a pawimawh avangin vuah ṭha turin a ngen a ni.

Thawhṭannia Manipur-a Covid-19 kai hmuh chhuah thar chu mi 235 niin, daily positivity rate hi 11.9% a ni. Hri mai mek, active case 1,457 awmin an zinga 352 chu in lamah an inenkawl.