Manipur Congress working president atan Ratankumar ruat

Congess party chuan assembly inthlan hmabak, Manipur-a an party working president atan Thawhṭanni khan Kh Ratankumar Singh a ruat.

Ratankumar hian Pathianni khan Manipur Pradesh Congress Committee-a vice-president a nihna aṭangin banna a thehlut a, Thawhṭanni khan AICC president pawmpuinain working president atan hian ruat a ni leh tih party general secretary KC Venu Gopal chuan a sawi.

Education minister hlui, Ratankumar hi kum 2017 assembly inthlanah khan Mayang Imphal constituency-ah a chuh a, mahse a tling zo lo a ni.

Assembly inthlan hnuhnung bera Congress MLA atana thlan tlin 28 zinga 16 chuan an party hi an chhuahsan tawh.

Manipur assembly inthlan hi February 27 leh March 3 hian thawh hnihin neih a ni dawn a, March 10-ah vote tla chhiarin result puan a ni ang.