Air Deccan in Service hun an tikhawtlai

Civil Aviation Minis­try chuan Air Deccan chuan hmarchhakah Septermber 11 aṭangin regional co­nnectivity scheme - UDAN (Ude Desh Ka Aam Nagrik) hnuaiah thlawhtheihna an service tir dawn tih an sawi.

Hemi kaihhnawihah hian airline chuan Shi­llong, Agartala leh Di­mapur-a an regional airport-ah May 1 aṭang khan hnathawh an ṭan tawh a, mahse Air Deccan chuan heng airport-ah te hian May 11 aṭang khan hnathawh an titawp vek hrih tih sawiin September 10-ah an chhunzawm leh chauh dawn tih an sawi a, hnathawh danah harsatna an tawh vang a nih thu an sawi bawk.

Hetihlai hian Airport Authority of India (AAI) official-te chuan Air Deccan hian an huntiam chin an tihkhawtlai zel thu sawiin, harsatna an tawh avangin thlawhtheihna hi an la service thei lo nia AAI hnenah vawi eng emaw zat an hriattir tawh thu an sawi.