Tripura: BJP leh IPFT inkara buaina chhuakah mi pasarih hliam

Tripura state khawpui Agaratala hmarchhak lama Lefunga block area-ah chuan Inrinni tlaiah khan BJP leh IPFT-te inkarah buaina a chhuak a, mi pasarih in hliam an tuar.

West Tripura district thuneitute chuan buaina chhuahna hmunah hian se­cu­rity force an tir nghal a ni.

Superintendent of Police (West Tripura) Ajit Pratap Singh chuan BJP thlawptu te chuan mi pathum lakah FIR an thehluh thu sawiin, thubuai chu an chhuichian phawt dawn thu a sawi.

Report in a tarlan dan chuan IPFT worker te chuan BJP tualchhung hruaitu BJP leader chu BJP tualchhung hruaitu tho Shambu Debbarma a hmu zo chu an lo bei niin an puh a, a beitute hi an tlanchhiat hnuah BJP worker-te hian umzuiin an beilet ve niin an sawi.

Police-te chuan thil thlen dan hi an la chhuizui dawn thu sawiin BJP worker pali in hliam an tuar tih sawiin pahnih chu damdawi-in lamah hruai an ni nghe nghe.

IPFT lam chuan BJP leh INPT-te chuan an party mi tualchhung bazarah an bei niin an puh ve thung a, hetah hian mi pathumin hliam an tawrh thu an sawi a ni.

BJP leh IPFT-te hi Tripura-a tangrual sorkar siam mek te an ni.