Manipur-ah noise pollution level sang Silencer khawih danglam khap dawn

Manipur Pollution Control Board chuan Inrinni khan Imphal-a Keishampat-a noise pollution level check-na neiin 75.4 decibel lai a nih thu an sawi a, heihi a san ber ṭum a nih thu an sawi.

Pollution Control Board chuan chawhma dar 11 leh chhun lai inkarah test hi an neih thu an sawi a, September 17 thleng Imphal hmun hrang hrangah noise level hi an check dawn thu sawiin lirthei bengchheng chu an man dawn niin an sawi bawk.

May 29-a board in hriattirna an tihchhuah bawhzuiin noise pollution level check-na hi an nei a ni.

Board chairman L. Radhakishore Singh chuan Pollution (Regulation and Control) Rules, 2000 thlir chungin liethei ri bengchheng lutuk hman khapna dan chu an tihchhuah thu a sawi. Board chuan director-general of police hnenah Inrinni khan lehkha thawnin police-te chu lirthei silencer khawi danglam te chu man turin an ngen a, phal chin bak aia ring tichhuak thei lirthei te chu man turin an ngen.

Pollution Control Board chuan state chhung­ah lirthei ri bengchheng tak tak siam a tam thu an sawi bawk.

Radhakishore Singh chuan lirthei ri benchheng tak tak siam te chu vau lawkin dan anga an lakah hremna lekkhawh a nih dawn thu a sawi a, paiwsa fine tir mai bakah thla ruk thleng jail-ah tantir theih an ni dawn tih a sawi.

Ni 17 chhunga an report hi sorkar hnenah an thehlut dawn a, Singh chuan ri bengchheng chuan nasa takin mipuiteah harsatna a thlen niin a sawi a ni. Imphal-ah chuan ri leh boruak bawlhhlawh a tam tih sawiin, tunah hian hma an la a nih loh chuan hun lokal zel turah harsatna nasa an tawk dawn tih a sawi.

Mipuite pawh pollution control board-te chu thawhpui turin a ngen bawk a ni.