Manipur: NIA-ten KCP an chhui laiin nuai 48 man

National Investigation Agency (NIA) chuan Manipur hel pawl Kangleipak Communist Party (KCP) chhuina an neih laiin nu pakhat hnen aṭangin cheng nuai 48 an man.

NIA hian Indian Penal Code (IPC) Section 120B hnuaiah leh Unlawful Activities (Prevention) Act Section 20 hnuaiah KCP ten March 2017 thubuai an neih chu an chhuichiang a ni.

Chhuina an kalpui lai hian RIMS Imphal hnathawk K Pramodini hnen aṭangin pawisa hi an man a, pawisa hi N Sobita Devi, Dr Mutum Shyamo Singh (Ex Director JNIMS Hospital, Imphal nupui ta a nih thu an sawi.

NIA chuan pawisa hi Sobita Devi hian Pramodini hnenahKCP-te pawi­khawihna hliahkhuhna tura pek a ni tih an hriatchhuah thu an sawi a, Mutum Shyamo Singh pawh hi July 6 khan an lo man tawh nghe nghe a ni. Singh hi KCP nena inkungkaihna nei a ni a, pawisa an man zingah hian cheng nuai khat hi chu pawisa hlui/thi tawh a nih thu an sawi a ni.

KCP pawikhawihna thubuaiah hian an commander in chief Khoirom Ranjit Singh leh a thawhpui Irungbam Sanatombi Devi leh P Prem Kumar Meitei an man tawh a, July 10 khan Delhi-a NIA Special Court-ah chergesheet hi file a ni tawh nghe nghe a ni.