Manipur University-ah buaina chhuak leh VC Pandey-an nawrh huaihawt pawlte khap

Manipur University buaina chuan ziaawm lam a pan dawn emaw tih laiin, Vice Chancellor AP Pandey chuan nawrh huai­hawt pawl pahnih te chu khap(ban) an nih thu Inrinni khan a sawi.

AP Pandey hi August 2 aṭang khan chawlh pek niin Inrinnia thuchhuah a siamah The Manipur University Teachers Association (MUTA) leh Manipur University Staff Association (MUSA)-te chu Manipur University Act 2005 in employee body din chungchang a sawi loh avangin khap/tihtawp a nih thu a sawi a ni.

Hei vang hian heng pawl pahnihte hian Pathianni khan nawrh chhunzawm an tum thu an sawi nghal.

MU-ah hian August 24 aṭang khan zirna chhunzawm leh tawh a ni a, MUTA leh MUSA bakah zirlai pawl dang te chuan ni 85 zet nawrh an huaihawt hnuah HRD Ministry lam nen an inremsiamna avangin nawrh an chawlhsan lailawk a ni a, VC ni lai AP Pandey chhuahtir turin sorkar an phut a ni.